RUMANTSCH
DEUTSCH

La Quarta Lingua (QL) sa vesa sco instituziun da promoziun multipla. Ella sustegna la lavur culturala rumantscha e s’engascha per sia derasaziun er ordaifer la Rumantschia. Cun quai promova l’associaziun, ch’è vegnida fundada l’onn 1972, er l’interacziun ed ina meglra chapientscha tranter la Svizra rumantscha ed il rest dal pajais.

Ils radund 300 commembers e fauturs da la QL derivan da tut las regiuns linguisticas, surtut da la Svizra tudestga. Lur contribuziuns annualas èn ina premissa elementara per pudair assegnar contribuziuns da promoziun e per realisar projects ch’èn vegnids iniziads da la QL – p.ex. il curs da lingua per uffants da famiglias rumantschas a Turitg.

Da la suprastanza da la QL fan part: Petra CAMATHIAS Ziegler (presidenta, Turitg): Bettina BERTHER Desax (Lucerna), Ivana CABALZAR (Effretikon), Barbara CUFFARO (Berna), Nathalie KILLIAS (Turitg), Kaspar SILBERSCHMIDT (Turitg), Bettina VITAL (Uetikon am See), Ivo ZEN (Turitg).

QUARTA LINGUA
Associaziun per la promoziun da la lingua e cultura rumantscha
8000 Zürich

Statuten